Эми Кыргызстандагы алыскы айылдардагы окуучулар шаардагы теңтуштары менен теңата билим ала алышат. Европа Биримдиги каржылаган Connectivity долбоорунун алкагында он айылдык мектеп туруктуу жана ылдам интернетке кошулду. Долбоор «Өнөктөштүктү жана жарандык коомду өнүктүрүү ассоциациясы» тарабынан «Скайнет Телеком» ЖЧКсы менен өнөктөштүктө ишке ашырылды.
📌 Сандар өзү эле айтып турат
🔹 Талас, Ысык-Көл, Нарын, Жалал-Абад жана Ош облустарындагы 10 мектеп интернетке туташтырылды.
🔹 7363 окуучу эми онлайн окууга, олимпиадаларга даярданууга жана заманбап технологияларды өздөштүрүүгө мүмкүнчүлүк алды.
🔹 596 мугалим жаңы окутуу методикаларына жана билим берүү платформаларына жеткиликтүү болду.
Бул туташтыруу мугалимдер жана окуучулар үчүн чоң жаңылык болду. Эми онлайн сабактарды өткөрүүгө, эл аралык олимпиадаларга катышууга жана заманбап билим берүү платформаларын колдонууга шарт түзүлдү.
📌 «Биз бул учурду көптөн күткөнбүз»
Мугалимдер жана мектеп директорлору белгилегендей, мурда интернеттин жоктугунан окуу процесси көп чектөөлөргө туш болчу.
🗣 Э.К. Орозматова, Талас облусу, №7 А.Эмильбек атындагы орто мектептин директору:
«Мугалимдер үчүн окуу процесси жеңилдеп калды. Жогорку ылдамдыктагы интернет окутуунун ыкмаларын өзгөрттү. Эми инновациялык сабактарды түзүп, интерактивдүү платформаларды колдонууга, виртуалдык экскурсияларды уюштурууга жана вебинарларга катышууга болот. Окуучулар үчүн бул жөн гана ыңгайлуулук эмес, олимпиадаларга даярдануу, алдыңкы жогорку окуу жайларга тапшыруу жана заман менен тең жүрүү мүмкүнчүлүгү. Кесипкөйлүк жана ыкчам иш үчүн чоң ыраазычылык билдиребиз! Айрыкча, «Скайнет Телеком» компаниясына терең ыраазычылык – алар жабдууларды сапаттуу орнотуп, мугалимдерге интернетти билим берүү максатында эффективдүү колдонуу боюнча окутуу өткөрүштү.»
🗣 М. Муталипов, Нарын облусу, Ой-Терскен орто мектебинин директору:
«Сиздердин эмгегиңиздердин аркасында мектебибиз билим берүүнүн санариптештирүү багытында чоң кадам таштады, бул азыркы доор үчүн өтө маанилүү. Эми STEAM-билим берүүнү толук кандуу киргизүүгө жана заманбап билим берүү платформаларын натыйжалуу колдонууга мүмкүнчүлүк алдык.»
🗣 А.Р. Саалаева, Тамга орто мектебинин директору:
«Биздин мектебибизде интернетти сапаттуу жана ыкчам орнотконуңуздар үчүн терең ыраазычылык билдиребиз. Интернеттин ылдамдыгы сабактарды заманбап технологияларды колдонуу менен уюштурууга шарт түздү. Бул билим берүү чөйрөсүнүн сапатын жогорулатып, окуучулар жана мугалимдер үчүн жаңы мүмкүнчүлүктөрдү ачат.»
🗣 А.П. Гайдар атындагы орто мектептин физика мугалими (Жалал-Абад облусу):
«Мурда татаал темаларды китептердин жардамы менен гана түшүндүрүүгө туура келчү. Эми болсо видеоэксперимент көрсөтүп, интерактивдүү симуляция өткөрүп, онлайн тест тапшырууга шарт түзүлдү. Бул окуучулардын сабакка кызыгуусун арттырат!»
«Эми алыскы айылдардагы мектептер да окуучуларына дүйнөлүк деңгээлдеги билимге жеткиликтүүлүк бере алышат. Бул билим берүүдө теңсиздикти азайтууга карай маанилүү кадам,» — деп белгиледи «Скайнет Телеком» ЖЧКсынын башкы директору Баймендиев С.М.
